మానస గీతం
Saturday 11 August 2018
Saturday 10 June 2017
అంతరంగం
మనసు పలికిన రాగాలెన్నో, పెదవి దాటని భావాలెన్నో,
నిన్ను చూశాక కలిగిన ఆలోచనలు ఎన్నెన్నో -
నా అంతరంగం నీతో కలిసి అనుభవించిన జ్ఞాపకాలు మరెన్నో -
నీతో చెప్పాలని , లేఖ రాయటానికి సిద్దమయ్యాను. కానీ !
రాయటానికి ,చెప్పటానికి నా దగ్గర భాష లేదు-
నీవు నా చెంత లేవు- అందుకే నా విను మిత్రమా -
నీ మనసు నాతో చెప్పె చిలిపి భావనలను -
నా ఊపిరి నీ గుండెలో ప్రతిద్వనించిన వేళ
ఆస్వాదించు మిత్రమా నా శ్వాసలో నీ ప్రేమను.
నీకు వర్ణించే శక్తి ఉంటే నీ దగ్గర వున్న నా మనసుకు చెప్పు
తన ఊపిరి యొక్క స్నేహం గురించి.
Friday 7 April 2017
నాకు నచ్చిన నిషిగంధ గారి కవిత
వలసపక్షి
కొన్నిసార్లు ఏదనీ చెప్పడానికేముండదు..
వద్దనుకున్నవో.. వదిలేసుకున్నవో
పాత బంధాలు
కొత్త బెంగలై
లోపల్లోపల పేరుకోకముందే
తటాలున విదిలించేసుకున్నా
అకారణ దిగులేదో
ఇంటిచూరు పట్టుకుని వేళ్ళాడే మధ్యాహ్నపుటెండలా
ఉత్తినే వేధిస్తుంటుంది..
పచ్చపూలవనాల్లో
అలక్ష్యంగా ఎగిరీ..
ఆగి ఆగి నవ్వుతున్న నక్షత్రాల ఆకాశాన్ని
భుజాన వేసుకుని..
ఎప్పటికీ తిరిగి రాని రెండు ఝాముల కోసం
ఒక వలస పక్షిలా
మళ్ళీ వెళ్ళి వెదుక్కున్నా
పలకరించేది
గోడలు కూలిన రహస్యగృహమే!
ఎందుకో మాట్లాడలేక.. మాట్లాడి ఏమవ్వనూ లేక
మౌనంగానే తేలికవ్వాలంటే..
ఎవరినీ చేరని కలలా
చీకటి చివర్లలో
ఊగుతూ ఒద్దికగా ఉండిపోవాలంతే!
ఉండడమేవిటో…
అంతలోనే లేకపోవడమేవిటో
మృదువుగా కదిలెళ్ళే మేఘంలో
లిఖించబడి ఉంటుంది!
అర్ధమయితే చాలు..
అసహనపు వల వీడిపోతుంది!
విచ్చుకుంటున్న స్వాతిశయపు పూలగుత్తుల్లోంఛి
తోవ చేసుకుంటూ
ఆకాశం సముద్రస్నానం చేస్తున్న
ఆవలి తీరానికి
ఇంకొక సుదీర్ఘ ప్రయాణం మొదలవుతుంది!!
వద్దనుకున్నవో.. వదిలేసుకున్నవో
పాత బంధాలు
కొత్త బెంగలై
లోపల్లోపల పేరుకోకముందే
తటాలున విదిలించేసుకున్నా
అకారణ దిగులేదో
ఇంటిచూరు పట్టుకుని వేళ్ళాడే మధ్యాహ్నపుటెండలా
ఉత్తినే వేధిస్తుంటుంది..
పచ్చపూలవనాల్లో
అలక్ష్యంగా ఎగిరీ..
ఆగి ఆగి నవ్వుతున్న నక్షత్రాల ఆకాశాన్ని
భుజాన వేసుకుని..
ఎప్పటికీ తిరిగి రాని రెండు ఝాముల కోసం
ఒక వలస పక్షిలా
మళ్ళీ వెళ్ళి వెదుక్కున్నా
పలకరించేది
గోడలు కూలిన రహస్యగృహమే!
ఎందుకో మాట్లాడలేక.. మాట్లాడి ఏమవ్వనూ లేక
మౌనంగానే తేలికవ్వాలంటే..
ఎవరినీ చేరని కలలా
చీకటి చివర్లలో
ఊగుతూ ఒద్దికగా ఉండిపోవాలంతే!
ఉండడమేవిటో…
అంతలోనే లేకపోవడమేవిటో
మృదువుగా కదిలెళ్ళే మేఘంలో
లిఖించబడి ఉంటుంది!
అర్ధమయితే చాలు..
అసహనపు వల వీడిపోతుంది!
విచ్చుకుంటున్న స్వాతిశయపు పూలగుత్తుల్లోంఛి
తోవ చేసుకుంటూ
ఆకాశం సముద్రస్నానం చేస్తున్న
ఆవలి తీరానికి
ఇంకొక సుదీర్ఘ ప్రయాణం మొదలవుతుంది!!
Thursday 23 March 2017
Saturday 18 March 2017
నేను రాసిన కొన్ని క్రుకీలు ..
నేను రాసిన కొన్ని క్రుకీలు ..
1.నిన్ను పోగొట్టుకున్నాను.నేను రోజు వెళ్ళే చోటే.
2..నిద్రలో కూడా మెలకువగా వుంటోంది నా జీవితం..నీ పరిచయం తర్వాత
3..దోసిలి పట్టా ..నీ నవ్వు నెలవంకలా రాలి పడుతుందని
4..మనం నిర్మించుకున్న తొలి సమాధి ..మౌనం
5. జీవితంలో ఇమడని అనుభూతులు.పదాలు ఒదగని వాక్యాల్లా
6.నమ్మలేనిదేదో జరుగుతుంది...ఆఖరి పేజిలో
7.నువ్వు నాకు శాపమే..ఎప్పటికి అందుకోలేని ఆకాశం లా
8.మౌనం నిశ్శేషంగా నిలబడింది...ముక్కలయ్యే కాలం ముందు
9.అక్షరాలు సైతం విస్తు పోయాయి .కనులు కనులు సంగమించిన చోట
10..మైమరిపించలేవు..గుండెను తట్టిన కధలన్నీ
11.మనసు యుద్ధం చేస్తుంది ..మానవత్వం మరిచిన మృగాడితో
12.శిశిరం లో సైతం వసంతాన్నే చూస్తా..నువ్వు నా తోడు ఉంటే
13..నిర్జీవమైన గతమా...నీ ఆత్మ శాంతి కై ఓ రెండు నిమషాలు
14.జాలిగా చెంపను తడిమింది ..ఉత్తినే అంటించుకున్న ఓ కన్నీటి బొట్టు
15.చేరలేని గమ్యమే ..నీ వెంట నేను చేసే నడక
16.నన్ను నేనే నమ్మిన్చేస్తుంటాను ..అంతా నిజమే నని
17.నిన్ను గతం లోనే దాచేస్తా..నేను కాలం తో పరిగెడుతూ
18.మనసు బాధ అంతా తడిపేసాను..చినుకుల జడిలో
19.ప్రకృతి బీభత్సం మనిషికే...చిగురాకులు గలగలా మంటూ మాట్లాడుతున్నాయి
20.మనసు తడి అవిరయ్యింది ..నీ ఊపిరి సోకి
21.పరిమళపు తుఫాను..నీ ఊపిరి నన్ను సోకగానే
22.వెలుగు నీదే,వెన్నెలా నీదే,ఇంకా వేరే చెప్పాలా నా ఊపిరి నీదే
23.ఘల్లుమని గుండెలో మ్రోగింది..బహుశా నీ ఊపిరి సవ్వ డెమో
24.నా ఊపిరిలో చేరింది.గాలిలో నలిగిన నీ జ్ఞాపకాల పరిమళం
25.ఎర్రటి మట్టిగాజులు గలగల మంటున్నాయి.నీ ఊపిరి సోకిందేమో
26.లోలోపల జ్వలిస్తోంది ..నీ ఊపిరి నా గుండె లయలో
27.ఎందుకలా అనిపిస్తుందో ఒక్కోసారి..నీవు చెంత నున్నప్పుడే ఊపిరి ఆగాలని
28.ఊపిరి ఆగేంత నిశబ్దం..నా నుండి నీవు వేరయ్యాకా
29.నా పేరు నీ ఊపిరిలో చేరింది.నా శ్వాస నీ వయ్యకా
30.ఊపిరి అక్కడే ఆగిన గుర్తు..నువ్వు వెళ్ళిన క్షణమే కదా అది
31.నా లోని ఊపిరి లయను తోలిసారివిన్నాను..నీ పరిచయం లో
32.ఒంటరితనమైనా ఆనందమే...నా తలపుల్లో నీవుండగా
33.విషాదమైనా సంతోషమే..నిత్యం నీ జ్ఞాపకం తోడుండగా
34.నిశబ్దం మాట్లాడుతుంది...ఒంటరితనం ఆక్రమించుకున్న గదిలో
35.మాటల (కో)లాటలలోనువ్వు విసిరిన శరాలు..అంతం లేని ఆవేదనలే
36.కను చూపుల కోలాటాలే .ఏకాంతపు కలయికలో
37.మనసులే ఊసులాడుకొంటున్నాయి..మాటల కోలాటాల జాడ లేక
Subscribe to:
Posts (Atom)